Մշակումը՝ Արուսյակ Սահակյանի
Խռպոտ ձայն ունեցող ու ականջ չունեցող թռչունները չէին սիրում կարմիր կտուցով ու
կարմիր տոտիկներով Կաքավին, որն օրնիբուն ման էր գալիս արտերում ու երգում:
Նախանձից նրանց ձայնն ավելի էր խռպոտվում:
Մի օր հավաքվեցին ու գնացին Արծվի մոտ գանգատ.
– Թագավորն ապրա՛ծ կենա, էդ Կաքավը անգործ-անբան, ամբողջ օրը երգում է, չի թողնում,
որ քո հրամանները լսենք:
Արծիվն էլ երգի հետ գլուխ չուներ և հրամայեց.
– Կաքավին ասեք՝ թող էլ չերգի:
Կաքավը լռեց:
Արտերը սպասեցին, սպասեցին Կաքավի երգին, բայց Կաքավն էլ չէր երգում:
Արտերը կարոտեցին Կաքավի երգին ու խնդիրքի գնացին Արծիվ թագավորին.
Թագավորն ապրա՛ծ կենա,կարմրակտուց, կարմրատոտիկ Կաքավը կա, բայց նրա երգն էլ
չկա.մեր հասկերը չեն քաղցրանա:
Արծիվն ասաց՝ թող երգի՛:
Բայց Կաքավն արդեն մոռացել էր իր երգի խոսքերը, միայն մեկ բառ էր հիշում.
– Կըղա՜, կըղա՜:
Մի երկու բառ էլ արտերն էին հիշում.
– Կաղ-կըղա՜, շաղ-կըղա:
Հարցեր և առաջադրանքներ
1. Փորձի՛ր բացատրել այս արտահայտությունները (դարձվածքները).
ականջ չունենալ -չլսող
գանգատ անել -բողոքել
երգի հետ գլուխ չունենալ -չսիրել
խնդիրքի գնալ -խնդրել
2. Ինչո՞ւ մյուս թռչունները չէին սիրում կաքավին: Նշի՛ր այն հատվածը, որտեղ դա
երևում է:
Խռպոտ ձայն ունեցող ու ականջ չունեցող թռչունները չէին սիրում կարմիր կտուցով ու
կարմիր տոտիկներով Կաքավին, որն օրնիբուն ման էր գալիս արտերում ու երգում:
3. Ի՞նչ ասացին թռչունները արծվին: Նշի՛ր այն հատվածը, որտեղ դա երևում է:
Թագավորն ապրա՛ծ կենա, էդ Կաքավը անգործ-անբան, ամբողջ օրը երգում է, չի թողնում,
որ քո հրամանները լսենք:
- Նկարագրի՛ր այս պատմության կաքավին:
Կաքավը բարի էր և շատ էր սիրում երգել:
- Քո կարծիքով ինչի՞ մասին էր երգում կաքավը:
Իմ կարծիքով կաքավը երգում էր բնության մասին:
6. Ի՞նչ կլինի, եթե ոչ մի թռչուն չերգի:
Եթե թռչունները չերգեն, ծառերի բոլոր մրգերը քաղցր չեն լինի:
- Նամակ գրի՛ր արծիվ արքային:
Բարև, արծիվ արքա: Քեզ է գրում Արփի Փաշինյանը: Ուզում եմ հարցնել, թե ինչու դու երաժշտություն չես սիրում: Երաժշտությունը բարիացնում է բոլորին, օգնում է ծառերին, որ պտուղները քաղցրահամ լինեն:
Ես քեզ խորհրուրդ եմ տալիս, որ չլսես մյուս թռչուններին և խելացի որոշում կայացնես: